Back سديم (ضباب) Arabic कुहेसा AWA Ūkana BAT-SMG Ambon BCL Імгла BE-X-OLD कुहेसा Bihari Boirina Catalan Opar (počasí) Czech Янкар CV Dis Danish
Mis (of newel) kom die hele jaar voor, maar veral in die lente of herfs. Ons praat van mis as die sig deur piepklein waterdruppeltjies beperk is. Hierdie waterdruppeltjies (of wolkdruppeltjies) is ongeveer 1 tot 10 mikrometer groot terwyl 'n reëndruppel kenmerkend 'n duisend keer so groot is.
Die atmosfeer bevat altyd 'n bepaalde hoeveelheid waterdamp, waarvan 'n gedeelte meestal op kondensasiekerne gekondenseerd is, soos fynstof, stuifmeel en veral soutkristalle. Hoe vogtiger die lug, hoe hoër sal die relatiewe humiditeit wees en hoe meer kondensasie sal plaasvind. In die atmosfeer kan daar al by 'n relatiewe humiditeit van ongeveer 35% vloeibare water rondom kondensasiekerne aangetoon word, veral as daar baie wateraantrekkende (higroskopiese) kerne aanwesig is. As daar meer waterdamp is sal die druppeltjie groei en meestal die oorspronklike kondensasiekern oplos.
Mis en newel word in Afrikaans afwisselend vir dieselfde verskynsel gebruik.